Fótbóltsferðir hevur síðan 2012 hjálpt føroyingum at uppliva fótbólt live á nøkrum av størstu stadionunum í Evropa. Endamálið hevur frá byrjan verið einfalt: at gera tað lættari hjá føroyskum fótbóltsfjepparum at finna trygg atgongumerki og væl skipaðar ferðir.
Gjøgnum árini hava nógv ferðandi upplivað Premier League, Champions League, landsdystir og aðrar stórar fótbóltsupplivingar saman við okkum. Vit bjóða bæði liðugar pakkatúrar og tillagaðar loysnir við atgongumerkjum, hotelli, ferð og øðrum upplivingum.
Fyri okkum snýr ein fótbóltsferð seg ikki bara um teir 90 minuttirnar á vøllinum. Tað snýr seg eisini um stemningin í býnum, felagsskapin á ferðini og løturnar, sum kundarnir taka við sær heim.
Í 2026 komu Jan og Kári inn sum sameigarar í Ferðir.fo. Saman mynda vit nú eitt eigarateymi, sum byggir víðari á tað sterka grundarlagið og tær drúgvu royndirnar, ið fyritøkan hevur ment gjøgnum árini.
Við einari felags visión fyri framtíðina arbeiða vit miðvíst við at víðka úrvalið av pakkatúrum, menna nýggjar fótbóltsupplivingar og styrkja tænastuna til okkara kundar. Samstundis varðveita vit tað, sum Ferðir.fo er kent fyri: persónliga føroyska tænastu, tryggar loysnir og nærveru frá fyrstu fyrispurninginum til heimferðina.
Vit hava hvør síni ábyrgdarøki og ymiskar fakligar bakgrundir, men arbeiða saman um at menna Ferðir.fo og skapa tryggar og væl skipaðar fótbóltsupplivingar.
Jan lesur búskaparfrøði og arbeiðir serliga við menningini av Ferðir.fo, marknaðarføring, sølu og fíggjarligari stýring. Hann leggur dent á at skapa professionellar loysnir og eina góða og persónliga uppliving fyri kundan.
Kári er útlærdur handverkari, men hevur eisini stóran áhuga fyri ferðaskipan og menning av pakkatúrum. Í Ferðir.fo arbeiðir hann serliga við at seta saman túrar og tryggja, at ferðin hongur væl saman frá byrjan til enda.
Rói hevur verið partur av Ferðir.fo síðan 2021 og hevur havt ein týðandi leiklut í menningini av fyritøkuni. Hann hevur eina Master of Business Administration (MBA) og tekur sær serliga av kundatænastu, kundasambandi og samstarvinum við veitarar og samstarvsfelagar.
Hesi virðini eru grundarlagið undir arbeiðinum hjá okkum og hvørjari ferð, vit skipa fyri.
Vit eru tøk frá fyrstu fyrispurninginum og heilt til heimferðina og leggja dent á skjótt og persónligt samskifti.
Vit arbeiða við royndum veitarum og tryggja, at ferð, hotel og atgongumerki eru væl samskipað.
Vit seta saman túrar, har dysturin, býurin og felagsskapurin skapa eina samlaða og ógloymandi uppliving.
